Monday, August 20, 2007

Таван шар буюу амьд явах хүслэн :)

За тэгээд постийн маань нэр нь жаахан хүндэдчих вүү дээ. Манай Эркагийн бичсэн постуудаас бид нарыг ер нь хаанаас гаралтай, хаана бага насаа өнгрөөсөн нөхдүүд болохыг гадарласан байх. Бидний хүүхэд нас чинь яг 80-90 оны үе юм шүү дээ. Хоёр нийгмийг аль алийг нь үзээд амжсан хэлмэгдсэн омгийхон. Биднийг бага байхад, хуучин нийгмийн үед Таван шар их зэрлэг газар байсан юм. Тэр үед чинь хот их доширходог байсан. Таван шард хэр баргийн гадны хүүхдүүд ганцаараа ирж зүрхэлэхгүй дээ. Зүрхэлж, эсвэл мэдэхгүй ирсэн нэг нь шалдан буцдаг байсан юм даа. Гадны хүн байтуугай манай атаманууд чинь доторх бид хэдийгээ хааяа шоголчдог. Нэг жишээ дурдахад л та нар ямар хэцүү газар байсныг гадарлна даа. Юу вэ гэвэл , Манай найз Есөө нэг удаа дэлгүүрээс нэг кг мах аваад гэрлүүгээ дэгдэж явах замдаа хөөрхий Гансүхийхээр ороод гархаар шийдэж л дээ. Тэгсэн Гансүхийн орцны таван давхарт Дуулгаа гээд нэг нүд нь сохор, шарын лухагар атамануудын нэг амьдардаг байсан нөхөр орцонд халамцуу таараад махтай явсныг харчаад гэрлүүгээ дагуулж ороод махаа өгөхийг тушааж дээ. Есөө угийн гүргэр гар, тэгээд бас бяцхан дүү нар нь гэртээ ахыгаа мах авчрахыг хүлээгээд сууж байгаа тул, Үгүй л гэж. Тэгсэн Дуулга хутга гаргаж ирээд манай хүний хүзүүнд тулгаад махаа өгөхгүй бол зүснэ гээд дайрсан байгаан. Азаар атаманы найзууд нөгөө өрөөнөөс орж ирэн Есөөг маань аварсан юм даа. Ер нь бол хутга тулгуулах жирийн юм байсан дөө. Гансүхийг маань бас нэг хурган атаман бүр гэрт нь хутгатай дайрч орж алах шахж байсан юм даг. Амьд явах хүслэн төрмөөр байгаа биз. За тэгээл атамануудын нүдэнд олигтой хувцастай харагдаж болохгүй дээ. Би лав ээжийн дүүгийн германаас ирүүлсэн гутлыг өмсөж явах гэж үйлээ үздэг байсан юм. Орилоо гэдэг нэг гар нэг удаа нэг дүгээр хорооллын охинтой болзоно гэж өмсөөд өдөржин алга болсон юм даг, би мань эрийн гутлыг өмсөөд, томдцон чирээд ээжээс айгаад орж чадахгүй атаманцарыг ирэхийг хүлээгээд бөөн юм болж байж билээ. Тэр үедээ үнэн тамтай санагддаг байсан бол одоо бодоход хөгжилтэй л байж дээ. Бид чинь харин үеийхэндээ бол дээрхүүлэхгүй шүү дээ. Манай 8-В гийхэн чинь үедээ атаман анги байсын. Ямар сайндаа 8-А гийхан бид нараас айгаад ангийхаа хаалгыг дотроосоо түгжээд гарч ирж чадахгүй, нэг нь тэгээд бүр айсандаа 2 давхрын цонхоороо үсрээд хөлөө хугалж байсан юм. Маргааш нь манай ангийн бүх банди нар хичээлийн эрхлэгчийн өрөөнд жагсаалгаж байгаад зодуулсан юм даг. Би ч тэгэхэд айхтар элэгдүүлсэн шуу талийгаач Гонгор багшид.
Гээд зодоон цохион, атамануудтай холбоотой дурсамжууд зөндөө зөндөө. Одоо ч таван шар тийм биш болсон байна лээ. Элдэв янзын хүмүүс нүүж ирээд, хууччуул нь нүүж яваад таних мэдэх хүнгий болсон байсан. Тэр үед атаман байсан ах нарын зарим нь архинд ороод Өвөөгийн хөндийд очоод, үхэх нь үхээд дууссан, хурган атаманууд байсан нөхдүүд одоо энд тэнд лааг томоотой эхнэр хүүхдээ дагуулцан явж байгаа харагддагийн...to be continued

4 comments:

БЭ said...

haha, neeren tiim hun baidag biluu, oriloo, haha. ter duulgaa neeren tamtai baachka baisan shuu, huurhii min taliigaachiin yasiig undulzuuleed yuhev, aimar muu heleh gesnee bolivsh. yusuu neeren tegeed unen baatarlag guriiseer baigaad 1kg mahaa ch, uuriiguu ch avraad garaad irsen erelheg chepaev daa te.

Boloroo said...

хэхэ та хэд ч их дарамттай байсан юм байна даа, Есөө бас их азтай л юм хэхэ, Батка тэгээд гутлаа авч чадсан уу, хэхэ

d said...

ORILOO gedeg chin tavan shariin 3t bsan bhaa.bid naraas gantshan l ah biz dee.neeree ataman gesnees Esuu, Batgerel 2 hamt shiljij irsen.tegeed dunguj shiljij irenguutee ter 2 muudaltsaad.Batgerel neeh duugai, Esuu bolohoor esregeeree.tegeed l anh Esuug aihtar huligaan irj dee gej bodoj bsan shuu.harin bodit bdal bas l esregeeree bj bilee.Batgerel harin hulbumbug,sags ih sain toglodog bj bilee.

maxaa said...

anduudaa ahiad avsan zurgaasaa olon zurag oruulaachaa. goe goe um yagaad oruulahgui bga um be?