Тэртээ ойгоос гацуурхныг гэртээ бид нар авчирлаа...

Жижигхэн гацуурхан өвөл хүйтэн байна даа
Тэртээ ойгоос гацуурхныг гэртээ бид нар авчирлаа
Олон янзын тоглоомнууд ондоо газар өлгөлөө
Урамтайяа хөгжилтэйеэ угтацгааяа шинэ оноо...
За ёлкоо засчихлаа, сүүлийн хэд хоног европ даяар сүүлийн арав хорин жил ороогүй их цас ороод гэрээс ч гарах хэцүүхэн л байлаа. Гэхдээ гоё цас мөстэй өвөл болж байна аа, яг л монгол шиг том том цас хаялаад л. Аз болж өчигдрөөс тэнгэр онгойж жоохон хайлж байх шиг байна. Тэнгэр онгойсныг далимдуулж хурдхан гарч нэг гацуур олж ирлээ. Охин маань бөөн баяр, хөөрөөд л, энд ч нэг тоглоом өлгөөд тэнд ч нэг тоглоом өлгөөд л. Хүүхдээ хөөрч байхыг нь хараад бага нас санаанд ороод.
Бага байхад 12 сар гарвуу үгүй юу л ёлкоо гаргаад ах эгчтэйгээ нийлж байгаад дур мэдээд засчихдаг байж билээ. Тэгээд хураана гэж байхгүй, бараг л худалч хүнд 2 сар хүргэж байж арай гэж үглүүлэн байж дурамжхан буцааж хураадаг байж билээ.

Аав ажлаасаа ирэнгүүтээ шууд мөнгө гаргаж ирж ёлкон дээр тавьж мялаагаад л, орж гарсан хүн болгон ёлкон дээр мөнгө тавиад л, өнөөхийг нь ёлк дуусангуут хамгийн багаараа би бүгдэнг нь хамдаг байсан санагдаад байна. Гэснээс ингэж ёлкон дээрээ мөнгө тавьдаг ёс хаанаас гарсан юм бол анх? Оросууд ингэж мөнгө тавьдаг юм байх даа?
Манай ёлкны тоглоомууд дотор янзан бүрийн хэлбэртэй, өвлийн өвгөн, цасан охид, элдэв янзын хэлбэр дүрстэй тоглоомнууд их байдаг байсан. Тэр болгоноор нь янзан бүрийн дүрд оруулаад л өдөржин тоглочихдог байж билээ. Ёлкон дээгүүрээ хөвөн цацна, (одоо хүртэл би хөвөн цацдаг, охиндоо заагаад өгчихсөн чинь сая энэ модон дээр бас баахан хөвөн цацаад байна лээ). Бас фосфортой тоглоомуудын фосфороор нь гараа сайн үрээд гэрлээ унтраагаад харанхуйд харвал яс нь тодорч харагддаг гээд хэн нэгнээс нь сонсчихсон чинь хамаг фосфортой тоглоомуудаа гараа цус шүүртэл нь үрээд үрээд яс харагдаагүй юмдаг.
Ёлкныхоо модны доогуур бас хөвөнгөөр битүүлж байгаад хагарсан ёлкны тоглоомуудаар бас бус чихмэл тоглоом тавьж гангална. Ёлк засах болгонд нь догдлоод л нэг их гоё үлгэрийн ч юм шиг санагддаг байж билээ. Тэгээд л цонхоороо орой харж байгаад л тэр айл ёлкоо засчихаж, энэ айлын ёлкны гэрэл нь анивчдаг юм байна этэр гээд л.
Манай ёлкны гэрэл анх анивчдаггүй байсан, тэгсэн эгчийн танил нь анивчуулдаг болгож чадна гээд, өдрийн гэрэлний нэг бөөрөнхий хар юмыг гэрлэн дунд нь хавчуулж холбоод залгасан чинь нээрэн анивчдаг болж билээ. Бүх юмыг монголчилно оо гэж. За тэгээд та хэд ч гэсэн ёлкоо засдаг байсан үеийнхээ дурсамжуудаа бичээрэй.
Бичээрээ гэснээс аягүй бол монголд ч хүмүүс нэг ёлкноос нөгөө ёлк руу хэсээд завгүй байгаа байх даа бодвол. Бүгдээрэнд нь удахгүй блох зул сарын баярын мэнд хүргэе ээ!

Ий ий ХХ

За бүгдээрээ доорх зүйл ангиудыг сайн гэгч уншаарай. Сонирхолтой.

БНМАУ-ЫН АРДЫН БОЛОВСРОЛЫН ЯАМ № Х-30
2-р зүйл: сургуулийн бүх сурагчдын цэс бүртгэлд бүртгэгдсэн дугаар, сурагчийн нэрийн эхний үсэг хоёроор тухайн сурагчийн хувийн хэргийн дугаарыг тогтооно. Жнь: Цэс бүртгэлийн “С” үсгээр эхэлсэн нэрсийн 5 дугаарт бичигдсэн сурагчийн хувийн хэрэг нь С-5 дугаартай байна.
Х-30 гэхээр би “Х” үсгээр эхэлсэн нэрсийн 30 дугаарт бичигдсэн хүн болж таарах нь. Догь хэрэг ээ. Хүнийг бас нэрлэж байгаа шүү. Х-30 асуугд, Х-30 суу гэдэг байсан бол яана аа. Юутай ямар адилхан юм бэ? Ойлгож байгаа биз дээ.
1-5 дугаар анги хүртэл бөөн 5 5 5 , 6-р ангиасаа бөөн 4 3 4 3-ууд өрж сайхан таваргажээ. Монгол хэл, монгол бичиг, математик, түмэн бодис, ургамал судлал, амьтан судлал, хөдөлмөр сургалт гэх мэт хичээлүүд дээр юу үзэж, юу сурсанаа санаж байтал... Нийтийн түүх, БНМАУ-ын төр эрх зүйн үндэс гэж байна. Энэ хичээлийг санадаггүй ээ. Юу зааж байлаа ангийнхан? Цэргийн анхан шатны бэлтгэл гэсэн хичээл байна. Бас л санадаггүй. Юу ч санахаа байжээ. Энэ хичээл дээр надад дүн алга. Тэгэхээр хөвгүүдтэй л холбоотой болж таараа.
7-р зүйл: анги удирдсан багш сурагчийн зан чанар, сурлага хүмүүжлийг хувийн хэрэгт нь тодорхойлон бичиж, гарын үсэг зурж тамга дарах ба төгсөхөд нь Ардын боловсролын яамны сайдын тушаалаар баталсан үлгэрчилсэн зааврыг баримтлан тодорхойлолтыг бичиж багш нарын зөвлөлийн хурлаар хэлэлцүүлнэ.
Ямар хүүхэд байсан, юун дээр алдаж, юун дээр онож вэ гэдгийг нухацтай гэгч уншлаа. Томоотой, даруухан, анги хамт олны ажилд идэвхтэй, хүмүүжил сайн, үерхэл нөхөрлөл сайн, нөхдийн төлөө санаа тавьж чаддаг энээ тэрээ гэж сайхан магтжээ. Энд бас хөдөлмөрлөснийг минь үнэлж хаврын нийгмийн туст хөдөлмөр хийсэн, траншейны нүх ухсан, чулуу зөөсөн, намрын ургац хураасан нь үнэн болно гэж. Аая би шүү ухааны юм бодож байтал юу гэнэ вэ? Энэ багш чинь харин шулуухан хэлчихдэг гар байна уу? Үгүй юу?
Сэтгэн бодох чадвар, ой тогтоолт дунд зэрэг гэж бичээд бүх магтаалуудыг минь накаут болгодог байгаа. Дунд зэрэг гэдэг чинь бараг муу гэсэн үг биз дээ? Ээ хөөрхий. Хэддүгээр ангидаа сэтгэн бодох чадваргүй болсон юм бол? гээд хартал VI гэсэн байна. 6-р ангиас миний ой тогтоолт ноль зааж, сэтгэн бодох чадваргүй болсон байна. Тэгснээ үргэлжлүүлээд эцэг эхийн зүгээс анхаарал халамж сайн тавьж чаддаг гэж бичиж. Ашгүй дээ. Аав ээж минь намайг дор нь анхааралдаа авч дутагдал дээр минь ажиллажээ. Харин 10-р ангид багш намайг магтаж, биеэ зөв авч явж чадна, цаашид их дээд сургуульд суралцаж болно гэжээ. Ээ гялай ёох. Тэр чигээрээ ой тогтоолтоо алдсан бол яана аа.
12 зүйл: сургууль төгссөн тухай тэмдэглэж, хувийн хэргийг хуваарьтай сургууль, газарт албан ёсоор хүргүүлнэ.
Сүүлийн хуудсан дээр монтаж дээрх цээж зургаа нааж, ашгүй ангийн дарга нөхөр Уртнасангийн 9-р ангид хуваарилагдсан болно гэсэн бичгийн хэвтэй, Лхагвасүрэн багшийн гарын үсэг тамгатай, сургуулийн зөвлөлөөр орж батлагдсан тэмдэглэлтэйгээр миний биеийн хувь хэрэг хаагджээ.
Дүгнэлт: Сурагч Х нь 6-р ангидаа хотод шилжиж ирээд, Нийслэлийн Сонгино-хайрхан дүүргийн 10 жилийн 12-р сургуульд оруутаа л ой тогтоолтоо алдаж, сэтгэн бодох чадваргүй болсон учир нь: 6в ангийнхны уруу таталт, дэггүй сахилгагүйтлүүд пионер онц сурлагтан хүүхдийг яаж өөрчилж болдогын тод жишээ юм.
Өөртөө дүгнэлт зохиогоод биччихлээ. Арай л гэж зөөлөрлөө. Ий ямар аймар дэвтэр вэ? Та нарынх дээр юу гэж байна?

Цэцэрлэг Яслийн дурсамж

Томыгоо цэцэрлэгт өгж сүүлийн үед их паянтай байгаа. Уйлаан, майлаан, гэрээр нэг скандал. Би гэртээ байж байя, эндээ байя, аав та ажилдаа яв гэж өглөө болгон царайчлах охиноо хараад өрөвдөх юм, халшрах юм. Гээд яах билээ, хүний хувь заяа нийгмийн амьтанаас хойш багаас нь өгч дасгаж байсан нь дээр гэж бодоод гүрийж л байна. Цэцэрлэгт хүүхдээ хүргэж өгдөг болсноор өөрийн цэцэрлэг яслид явдаг байсан дурсамжууд сэргэж байгаагаа та нартайгаа цаг гаргаж хуваалцахаар шийдэв.

Би чинь 41-р яслид хамгийн анх явж эхэлсэн тэгэхэд цагаан цэнхэр паарчиг өмсөөд нусны алчуураа баруун мөрөн дээрээсээ зангидуулаад явдаг байлаа. Дөнгөж хөл мөлд л орж байсан байх, тэгэхдээ тод санагдаад байдаг юм. Одоо тэр яслын үнэр ч санаанд тод үлдэж. Яслид явахдаа уйлдаггүй байсан. Гэхдээ яслын манаач нэг том хар өвөөгөөс их айдаг байж билээ. Манайхан зарим нь мэдэх байхаа, дараа нь сургуульд орход ч байж л байсан. Яслийн хашаанд тоглож байгаад тэр өвөө гараад ирэнгүүд аймаар зугтаадаг байсан. Тооны дэвтэр шиг хэрсэн хашааг өмд цамцаа урж ирээд л бараг Хонгилдон шиг давдаг байсан байх айсандаа. Яслид явахад хамгийн зовлонтой юм нь кааш идэх. Бүхэл бүхэл болсон каашыг залгихаар огиод бөөлжчдөг байсийн. Идэхгүй бол багш уурлана.

За тэгээд цэцэрлэгт анх явж эхлэхдээ 79д орж байсан. Юун ясли их гоё санагддаг байж билээ. Манай цэцэрлэгийн дизайн ч их гоё. Дотроо дугуйрсан шаттай. Гадаанаа бас дээшээ гарчдаг шаттай. Манай ангид Ука явдаг байсан. Би чинь ангийн даргатайгаа багаасаа ангижив юм байгаан штээ. Ука чинь лагаа ганцаараа ном уншдаг багш нарын хайртай хүүхэд. Бусад хүүхдүүдийг тойруулж сууж байгаад л үлгэр энэ тэр уншиж өгнө. Бишрээд л сонсоно шүү дээ.

Би чинь солиотой. Дуу хөгжийн багш мангар таалагддаг байжуу. Тийм жаахан байж аймаар багаасаа сайн майн болоод байгаамуу яагаад байгаан хахаха.

Ангийн багшийн хүүхдүүд бид нартай лаг зэрлэг харьцдаг загнаад л сургуулиасаа ирчээд бид нарын хоолноос буудаад л.

Цэцэрлэгт байхдаа дүүргийн гимнастикийн тэмцээнд орж морж энэ тэр. Бариу хар бараг бандааш шиг шорт, цагаан пудволк (яг зөв бичих гэснээ хэллэгээрээ бичүүл амар санагдчлаа) өмсөөд бүгдээрээ жагсаад л гар мараа өргөөл нээх хөлдүү гимнастик сонин аянд хийнээ. Ямар ч ая байсийн мэдкүү. Тэгээд түрүүллүү яалаа мартчихаж.

Цэцэрлэгээ гэж бас л дурсамжаар дүүрэн хэдэн жил тэнд өнгөрсөн шүү. Одоо ч үнэр нь үнэртэж, хоол нь амтагдаж, багш нарын царай тод санагддаг юмаа. Андуудын цэцэрлэг яслийн дурсамж сэргэсэн байлгүй сэтгэгдэлээ хуваалцаарай.

Мантааж

. . .гэж бичдэг билүү? 17 жилийн өмнө иймэрхүү л боцкаанууд байж дээ. Зурагчин нь ажлаа сайн хийж чадаагүйн үүднээс нэг иймэрхүү дэпээкттэй мантаажтай хоцорсон 8в ангийнхаан гэж. Бүгд зурган дээр эрэн сурвалжлагдаж байгаа юм шиг гарчихсан, миний нүүрэн дээр гэрэл цохиод нэх сонин халтар хүзүүтэй гарчихсан. Хүнд үзүүлxээс ичдэг байж билээ. Одоо ч яахав тоохоо больчихсон юм байлгүй, багын дүр төрхүүдээ харахаар хөөрхөн л санагдаж байх чивээ.

Iim neg sanal

uuganaa uuganaa: hi sain bna uu
/ Manai neg angi / gesen nevtruuleg maani 10 sariin 20 oos garna. tegeed daraagiinhaan angiig oloh geed haigaad l bj bna
hulan_horse: shin newtruuleg yom uu
uuganaa uuganaa: tiim 10sariin 20 noos ehnii dugaar ni garna bi teged daraagiinhaan angiig haigaad neted orson chin tanai angiin blogiig haraad sanal tavsan yumaa. ih taalagdsan yom. bichlegee TB-iinhee studi deeree bichdeg l dee
uuganaa uuganaa: tegeed ehnii 3 dugaaraa une tolborgui hiij bgaa tanai angiihan orox bol uu hunii too 15 deesh bhad l bolno
hulan_horse: bagshtaigaa xamt uu
uuganaa uuganaa: tiim
hulan_horse: shuud bish biz dee
uuganaa uuganaa: bichlegiih l dee
hulan_horse: gaduur zurag awalt b.dag uu
uuganaa uuganaa: gaduur angi tanhim surguul deree ochij bgaa zurag avalt bgaaa
tegeed angiaraa uulzaldaad TV deer irj bgaa heseg bgaa
hulan_horse: minut n
uuganaa uuganaa: 30.
-za ta yu ch gesen uulzalt hiivel ireh uu geed neg angiihnaasaa asuugaad nadaa hariu ogoorei.
hulan_horse: bidnii talaas yamar negen zardal garax uu
uuganaa uuganaa: garahguieee. 1 odor l bolno
hulan_horse: za bi angiinxandaa damjuulya bayarlalaa

Yax uu angiinxan

Миньяаны хүсэлтээр

Зураг түүх өгүүлнэ. . .

М: Сайн уу?
БЭ: Өө сайн, чи сайн уу?
БЭ: Мань чинь урилга илгээчихсэн байгаа шүү, бүртгүүлээд ороод ирээрэй.
М: Бүртгүүлэх гэсэн нууц үг буруу гээд байна аа яах уу?
БЭ: Тийм үү, урд нь бүртгэлтэй байсан юм болвуу?
М: Маньд чинь нилээн хэдэн жилийн өмнө ангийнханы авхуулсан зураг байдаг юм. Тэрнийг оруулах гээд л байна.
БЭ: Чамд яг одоо байгаа юм уу? Би оруулаад өгөх үү?
М: Энэ зурагнуудыг Махаагаас өөр хэн ч үзэж амжаагүй юм шүү.
БЭ: Ховор нандин зурганууд байна
М: Гансүхийн туранхай байх үеийн зураг
БЭ: Харин тийм байна, бүгд гоолиг байж ээ. Энэ хэдэн онд юм бэ?
М: Нилээн хэдэн жилийн өмнө байх аа, Махаагийн хүүхдүүд ийм жоохон байсан гээд бодхоор бараг л Есөөгийн хуримын дараа мараа л юм болвуу даа, бби сайн санахгүй байна.
БЭ: Сүпер зурагнууд байна.
М: Баткагийн хуучин байрны тэндэх паабанд сууж байсан шиг санаж байна.
БЭ: За олон сайхан зурагнууд байна, баярлалаа, би оруулчихъя аа.

Гэсэн яриа Миньяaн бид 2 ын дунд өнөөдөр болж өнгөрсөн юм. Та хэд нэмэрлээд энэ хэзээ, хаана, ямар учир тохиолдлоор тэгээд бас яагаад зөвхөн хөвгүүд байсан эсэх гэх мэтийг нэмнэ биз.

Жич: Нилээн их зураг байсан тул бүгдэнг нь энд хуулаад оруулчихсан байгаа шүү. Сонирхсон улсууд орж үзээрэй.

9 сарын 1

9 сарын нэгэн боллоо ерөөсөө бидний баяр даа. Энэ дууг мэддэггүй хүн байхгүй гэхэд бараг хилсдэхгүй. Бага ангид орохдоо л бид энэ дууг заалгаж, цагаан толгойн номны эхний хуудсанд хүртэл морио унаад аавыгаа дагаад явж байгаа хүүгийн зураг дурайна. Тэгэхээр ой ухаанаас мартахын аргагүйгээр цээжлэгдсэн байдаг биз. Үнэхээр бид өөрсдөө ч аав, ээж, ах, эгчээрээ хөтлүүлээд очино. Хичээлийн шинэ жилийн нээлтийн ажиллагаа биднийг бага байхад ч болдог байсан. Бүх багш нар сургуулийн үүдэнд эгнэж зогсоод, захирал үг хэлж, сургуулийн урлагийн аврагууд нь урлагын үзүүлбэр үзүүлээд, эцэст нь 1-р ангид орж байгаа хөөрхөн хүү, охин 2-г сонгон хонх цохиулаад, тэр жил төгсөх 10-р ангийн ах эгч нар нь 2, 2оороо хөтлөлцөн орсноор нээлт дуусна. За тэгээд өглөө орох ээлжтэй ангиуд нь сургуульдаа ороод бусад нь тарна. Эхний өдрийн хичээлүүдийн сэдэв бараг бүх ангид ижилхэн ойлгомжтой “Зуны амралтаа хэрхэн өнгөрүүлсэн тухай” зохион бичлэг бичнэ, ярилцана. Өглөө хичээлдээ цугласнаас хойш жаахан бишүүрхүү байсан хүүхдүүд энэ бичлэгийг бичиж, эсвэл харилцан ярилцсанаар нүүр хагарч өөрсдийн их ажил болох үймүүлэх ажиллагаанд шилжинэ. Тэгээд бас хэн, хэн хаана амарч, хэрхэн өөрчлөгдсөн бол би хэнээс өндөр болсон бол, өндөр намаараа жагсахад хэний дээр зогсож байгаа бол? гэсэн асуулт хүүхэд бүхэнд бий. Бага ангид байхад санаа зовоодог нэг зүйл бол яах аргагүй зуны даалгавар. Зуны даалгавар гэснээс нэг зүйл санаанд орчихлоо. Бид бэлтгэл ангид хавар суугаад амрахад Сүнжээ багш гурвалжин, дөрвөлжин, ташуу шугам зурж хэдэн ч билээ дэвтэр дуусгах даалгавар өглөө. Би зунжингаа лагерт тоглоод даалгавраа хагас хийчихснээ 9 сарын нэгний өглөө гэнэт санаад “Би даалгавраа хийгээгүй байна, би энэ сургуульд чинь явахгүй” гэж уйлж гэрийхнийгээ айлгаад шөнийн ээлжинд ажиллаад дөнгөж гэртээ орж ирээд байсан эгч маань миний өмнөөс баахан гурвалжин дөрвөлжин зурж өгөөд явуулж билээ хэ хэ. Гэтэл багш тэр даалгаврыг шалгаагүй ш дэ. Ер нь хийсэн хүүхэд ч цөөхөн байсан байхаа. Анги дэвших тутам зуны даалгаварт санаа зовоохоо болино. Энэ нь том толгой гаргаж зуны даалгаврыг хийхээ болино гэсэн үг. Бичих, бодох даалгавраас гадна эрвээхэй, цэцгийн хатаамал хийх, согооврын үр түүх гэх мэтчилэн даалгавар ч бас өгнө. Тэрнийг биелүүлж байна гэж хөөрхий олон ч эрвээхэйг номны завсар хавчуулж мартсан даа.

Шинэ хичээлийн жилийн эхний өдөр хичээлдээ явах сайхан шүү тэ. Шнэ ном, дэвтэр, форм, үзэг харандаа гээд л бүх зүйл шинээр эхэлж байгаа байгаа болохоор нэг л баяртай, сэтгэл өндөртэй байдаг байлаа. Ингээд хавар хүртэл ангийхантайгаа хамт бужигнаж, үймүүлж, хичээллэж, шалгалт шүүлэг өгөх хичээлийн нэг жилийн аян эхэлнэ дээ..............

Ангийхаа охид, хөвгүүдийн хүүхдүүдэд хичээлийн шинэ жилийн мэндийг хүргээд, сурлага хөдөлмөрийн өндөр амжилт хүсэн ерөөе.

by Zulaa

Ирчихлээ. . .

Цонхийж бүүдийсэн амьтан
ширээнийхээ ард сууж байна
Цор ганцаар,
аглаг буйд дахь бяцxан цагаан байшинд
Цоожгүй хаалгаа цэлийтэл нээсэн ч
хэн ч орж ирдэггүй газар
Орон гэрээсээ алс,
Монголын тэнүүн талаас хол,
харь өндөр уулсын нутагт
Одоо цагаасаа бүүр гараад явчиxсан,
хаа эртийн дурсамжууд дотроо
Навч унах чимээ
ямар чанга болохыг анх удаа сэрдхийтэл мэдрэн
Намрын, сүрдэм гоо эзэрхийлэгч хүчний дор,
Хүйтэн ширээнийхээ ард,
хүв хүйтэн ширээнийхээ ард
Гань ганцаараа,
гараа элгэндээ тэврээд
зүгээр л сууж байна.
Аниагүй атал юуг ч үл харах нүд минь
алсаас үл сална
Ахиад ирэх өдрүүдийг
эх нутаггүйгээр төсөөлөхөөсөө ч айна
Ядуухан төрөлх нутгийг минь
мартуулам үзэсгэлэнт энэ газар
Яав чиг дасаж чадахгүйгээ
мэдэрсэн хайрандаа л амьд байна.

Л.Ө.

"Төсөөллийн өрөөнд" номноос

Буцаад гэртээ ирчихлээ. Болдогсон бол тэр чигээрээ үлдчихмээр л байлаа. Михаелд нэг бодол бий гэдэг шиг юутай ч дотроо нэг бодол төсөөлөөд ирчихсэн байгаа. Төсөөллөө мөрөөдөл, мөрөөдлөө хэрэгжүүлэлт болгохын төлөө. . . Явсан газрын сонин болгож хэд гурван зурагнаасаа дурсамж болгон үлдээе.

Party (үргэлжлэл)

-Миний хүүхдүүд багадаа зүгээр л явцын шалгалт өгөөд байна гэж боддог байсан байх даа. Ангиараа олимпиадад ороод 1-р сургуулийнхантай л өрсөлдөж, байнга 1 юмуу 2-р байранд ордог байсан юм шүү. Монгол хэлэндээ бусад хичээлээсээ илүү сайн байж зурагтаар гарч, сонинд нийтлэгдэж байлаа.

- Бага ангийн багшдаа бид хайртай.

А+В =АВ. Аав авд явав.

Нэгдүгээр ангидаа нэг ширээнд сууж байлаа.

Цэцэг багийн гишүүн Бат-Эрдэнэ 1-р байр эзэлсэн "Мод" багт алс холоос авчирсан идээний дээжээр шагнал гардуулж байгаа байдал.

Мод багийн зурсан онгоц.

Чулуу багийн зурсан онгоц.

Цэцэг багийн зурсан онгоц.

Овоон дээр багын найзууд.

Амттай байсан шүү шалз болчихсон.

Гал гал түүдэг гал

Ас ас бадран ас

Галын дөл өөдөө

Хип хоп хөвгүүнийг хэн том захирал гэхийн бэ?

Наана сууж байгаа халзан хүн бидний очсон амралтын эзэн нь. Их сайхан үйлчилж өгсөнд бид бүгд баярлалаа.

Цаана байгаа 2-ыг хар даа.

Бороо ороод бага зэрэг норов.

Ажа ажа амжилт.

Л. Даваа Сарангэрэлийгээ дүүтэй нь хамт дагуулж ирлээ. Хүүхдүүд нь их хөөрхөн бас авьяастай бүжиглэж тоглоод.

Уулзалт үнэхээр сайхан боллоо. Дараа бүр олуулаа уулзацгаая. За баяртай андуудаа.

Party

Эрхэм хүндэт Бат-Эрдэнэ эх орондоо айлчилж буйтай холбогдуулан ангийн андууд маань нийллэг зохион байгуулав. 2010 оны 08 сарын 07-ны өдрийн 09 цагт УДЭТ-ын гадаа болзож баяр хөөр дүүрэн уулзацгаалаа.
Багш маань Монголынхоо үзэсгэлэнт байгалиар зугаалж байсан аяллаасаа яаран сандран бидэндээ ирсэн билээ. Багшдаа их баярлалаа.
Хулангийнхаа хийсэн video-г орууллаа.Хуландаа бас их баярлалаа.

Арын эгнээнд Батзул, Батдэлгэр, Хулан, Багш, Алтанзул, Мөнх-Оргил, Хаш-Эрдэнэ, Батболд.

Урд сууж байгаа Даваа, Миньяан, Бат-Эрдэнэ, Гансүх, Даваа-Очир

(Ууж идээгүй байгаа арай л өнгөлөг хүмүүс байгаа биз.)

Холоос ирсэн хүнд шинэ шөл уулгая даа тэ

Тэрэлжийн амралтанд очиж хүндэтгэлийн зоог барингаа ардын жүжигчин Махаа ч билүү Гурилаа ч билүү залуугийн дуулахыг сонслоо. Сайхан дуулдаг хүү шүү гэж бүгд магтав.

Дараа нь бүгдээрээ чулуу, мод, цэцэг гэсэн 3 багт хуваагдан спорт, урлагийн болон funny тэмцээнд өрсөлдөцгөөв.

1-р байр эзэлсэн "Мод" баг.

2-р байр эзэлсэн "Чулуу" баг.

3-р байр эзэлсэн "Цэцэг" баг.

Тэмцээний үеэр...

Эрхэлж тоглохдоо сайн юм болохоор ДО,МО 2-ын баг л түрүүлээд байсан.
Зарим нөхдүүд араас ирнэ гэж байсан тул уулан дээр гарч утсаар ярих гээд алхаж байгаа нь. Бат-Эрдэнэ харин нутагтаа ирсэнийх нэг сайн ууж авъя, даанч хүн 2 гартай юм даа. Өшөө нэг гар байсан бол дахиад нэгийг барихгүй юу.
Үргэлжлэл бий...